1921 წელს ალვანის მონასტერში ბერებს ხვრეტენ, მაგრამ წმინდა გიორგის ხატის გადარჩენას ახერხებენ. ხატი წლების შემდეგ მოსკოვში აღმოჩნდება და მის საძებნელად საქართველოდან მამა დიმიტრი მიემართება. ამავე დროს მოსკოვში გამოკვლევაზე და სამკურნალოდ თავის ბავშვობის მეგობართან ჩადის ახალგაზრდა ქალი, ლალი. მეგობარი ყველაფერს აკეთებს მის გადასარჩენად. ამ ორ სიუჟეტურ ხაზს ერთმანეთთან აკავშირებს წმინდა გიორგის ხატი, რომელსაც მეგობარი ლალის აჩუქებს და საბოლოოდ ის მის მცირეწლოვან შვილთან რჩება.